სამხატვრო მასალები სტუდიებისთვის და სასწავლო სივრცეებისთვის

ახალი ჯგუფის დაწყებისას ან სემესტრის დაგეგმვისას ერთი საკითხი ყოველთვის მოსაგვარებელია: რა მასალები დაგჭირდებათ, რა რაოდენობით და რა ბიუჯეტით?

თუ ხატვის, ძერწვის ან კერამიკის სტუდიას ხელმძღვანელობთ, Lumino გთავაზობთ თანამშრომლობას თქვენი სასწავლო პროგრამისა და შესყიდვების საჭიროებების გათვალისწინებით. ერთად შეგვიძლია შევარჩიოთ სტუდიის საერთო მოხმარების მასალები, შევადგინოთ მოსწავლის ინდივიდუალური ნაკრები და დავგეგმოთ განმეორებითი შეკვეთები.

მოგვწერეთ თქვენი სტუდიის მიმართულება და მოსწავლეების რაოდენობა, ან გამოგვიგზავნეთ უკვე არსებული სია. ამ ინფორმაციაზე დაყრდნობით განვიხილავთ თქვენთვის შესაბამის პროდუქციასა და თანამშრომლობის პირობებს.

ვისთვის არის თანამშრომლობა

თანამშრომლობა განკუთვნილია ხატვისა და ძერწვის სტუდიებისთვის, სახელოვნებო სკოლებისთვის, საბავშვო შემოქმედებითი სივრცეებისთვის და პედაგოგებისთვის, რომლებიც ჯგუფურ გაკვეთილებს ატარებენ. შეთავაზების განხილვა შეგიძლიათ როგორც რეგულარული სწავლებისთვის, ისე კონკრეტული კურსის, მასტერკლასის ან ახალი ჯგუფის მოსამზადებლად.

შერჩევისას გავითვალისწინებთ მოსწავლეების ასაკს, გამოცდილებასა და სამუშაო ტექნიკას. დამწყებთა ჯგუფსა და პროფესიული მომზადების კურსს ხშირად განსხვავებული ქაღალდი, საღებავი და ინსტრუმენტები სჭირდება. ამიტომ მასალების სიის შედგენას თქვენი პროგრამით ვიწყებთ.

რას მოგცემთ მასალების ერთიანად დაგეგმვა

როდესაც სხვადასხვა გაკვეთილისთვის პროდუქციას ცალ-ცალკე ეძებთ, რთულდება როგორც შეკვეთის ორგანიზება, ისე მთლიანი ხარჯის დანახვა. წინასწარ შეთანხმებული სია გეხმარებათ გაარკვიოთ, რა არის აუცილებელი დასაწყისისთვის და რისი დამატება შეგიძლიათ შემდეგ ეტაპზე.

Lumino-ში წარმოდგენილია საღებავები, ფუნჯები, ქაღალდები, ტილოები, მოლბერტები, თიხა და ძერწვის ინსტრუმენტები. ამ ასორტიმენტის ფარგლებში შეგვიძლია განვიხილოთ თქვენი სიის რამოდენიმე პოზიციის ერთად შერჩევა და შესაბამისი ვარიანტების შედარება.

შეთავაზების განხილვისას ყურადღებას მივაქცევთ ოთხ საკითხს:

• მასალის შესაბამისობას სასწავლო დავალებასთან და მოსწავლეების დონესთან;

• ინდივიდუალური და საერთო მოხმარების ნივთების გამიჯვნას;

• საწყის შესყიდვასა და შემდგომში შესავსებ სახარჯ მასალებს;

• პროდუქციის რაოდენობას, მიმდინარე ხელმისაწვდომობასა და თქვენს ბიუჯეტს.

პარტნიორული ფასები და სხვა კომერციული პირობები განიხილება ინდივიდუალურად, შეკვეთის შემადგენლობის, მოცულობისა და თანამშრომლობის პერიოდულობის გათვალისწინებით. კონკრეტულ ფასსა და მიწოდების პირობებს შეკვეთის დადასტურებამდე შეგითანხმებთ.

პარტნიორი სტუდიის დამატებითი უპირატესობები

Lumino-სთან პარტნიორობა მასალების შერჩევასთან ერთად გულისხმობს მხარდაჭერას შეკვეთის დაგეგმვიდან მის მიღებამდე. თქვენს სტუდიას ეყოლება პირადი მენეჯერი, ხოლო კონსულტაციასა და მიწოდების ორგანიზებას პრიორიტეტულად გავუწევთ კოორდინაციას, რათა მომარაგებამ ნაკლები დრო წაგართვათ.

პირადი მენეჯერი თქვენი სტუდიისთვის

პირადი მენეჯერი იქნება თქვენი ძირითადი საკონტაქტო პირი Lumino-ში. მას ეცოდინება სტუდიის სასწავლო მიმართულება, შეთანხმებული მასალების სია და შეკვეთების საჭიროებები. ერთ ადამიანთან შეძლებთ პროდუქციის შერჩევის, რაოდენობების, ხელმისაწვდომობისა და მიწოდების დეტალების შეთანხმებას. განმეორებითი შეკვეთისას თავიდან აღარ მოგიწევთ სტუდიის საჭიროებების სრულად ახსნა — მენეჯერთან ერთად გადაამოწმებთ არსებულ სიას და შეიტანთ საჭირო ცვლილებებს.

პრიორიტეტული კონსულტაცია

პარტნიორი სტუდიების შეკითხვებსა და შეკვეთის მომზადებას პრიორიტეტულად განვიხილავთ. პირადი მენეჯერი დაგეხმარებათ სასწავლო ტექნიკისთვის შესაფერისი მასალების შედარებაში, ბიუჯეტის მიხედვით ვარიანტების შერჩევასა და საჭირო რაოდენობების განსაზღვრაში. თუ რომელიმე პროდუქტი მარაგში არ იქნება, შემოგთავაზებთ შესაძლო ალტერნატივას და ცვლილებას წინასწარ შეგითანხმებთ. ეს გაგიმარტივებთ გადაწყვეტილების მიღებას როგორც ახალი ჯგუფის დაწყებისას, ისე კურსის მიმდინარეობისას.

პრიორიტეტული მიწოდება

პარტნიორი სტუდიის შეკვეთის მომზადებასა და მიწოდების ორგანიზებას პრიორიტეტულად დავგეგმავთ. მენეჯერთან წინასწარ შეათანხმებთ მასალების საჭირო თარიღს, რათა შეკვეთა შეძლებისდაგვარად მოერგოს გაკვეთილების, მასტერკლასისა თუ ახალი ჯგუფის დაწყების განრიგს. პროდუქციის ხელმისაწვდომობის, სტუდიის მდებარეობისა და საკურიერო გრაფიკის გათვალისწინებით, მიწოდების კონკრეტულ ვადას შეკვეთის დადასტურებამდე შეგითანხმებთ.

ახალი ჯგუფის გახსნის პაკეტი

ახალი ჯგუფის დაწყებისას მასალები ერთდროულად სჭირდება სტუდიასაც და თითოეულ მოსწავლესაც. ამ პროცესისთვის შეგვიძლია განვიხილოთ ახალი ჯგუფის გახსნის პაკეტი, რომლის შემადგენლობაც თქვენს პროგრამასა და მონაწილეთა რაოდენობას მოერგება.

სტუდიის საერთო მასალები. შევადგენთ იმ პროდუქციის სიას, რომელსაც გაკვეთილებზე ჯგუფი ან პედაგოგი ერთობლივად იყენებს. მიმართულების მიხედვით ეს შეიძლება იყოს საღებავის დიდი შეფუთვები, სამუშაო ზედაპირები, საერთო ინსტრუმენტები და სხვა საჭირო აქსესუარები.

მოსწავლის საწყისი ნაკრები. ცალკე განვსაზღვრავთ თითო მოსწავლის ნივთებს, მაგალითად ქაღალდს ან სკეჩბუქს, ფუნჯებს, ფანქრებსა და შესაბამის საღებავებს. ერთიანი სია მოსწავლეებს გაკვეთილისთვის მომზადებას გაუადვილებს, პედაგოგს კი სასურველი მასალების განმეორებით ახსნაში დაეხმარება.

მშობლებისთვის გასაგები ჩამონათვალი. თუ მასალებს მშობელი ან მოსწავლე დამოუკიდებლად ყიდულობს, წინასწარ შეთანხმებულ სიაში შეგვიძლია მივუთითოთ პროდუქტის დასახელება, საჭირო რაოდენობა და საიტზე შესაბამისი ბმულები. სიის გაზიარების ფორმატს სტუდიასთან ერთად განვიხილავთ.

შემდგომი შევსების გეგმა. საწყის სიაშივე გამოვყოფთ მასალებს, რომლებიც კურსის განმავლობაში დაიხარჯება. ასე შემდეგი შეკვეთის დაგეგმვისას უკვე გეცოდინებათ, რომელი პოზიციების გადამოწმებაა საჭირო.

მაგალითად, 12 მოსწავლისთვის აკვარელის ჯგუფის მომზადებისას ცალ-ცალკე განვიხილავთ 12 ინდივიდუალურ ნაკრებსა და სტუდიის საერთო საჭიროებებს. პროდუქციის რაოდენობას დავაზუსტებთ გაკვეთილების სიხშირის, დავალებებისა და შეფუთვის მოცულობის მიხედვით.

სასწავლო პაკეტები თქვენი მიმართულებისთვის

პაკეტის შემადგენლობის საფუძველია ის, რასაც მოსწავლეები გაკვეთილებზე რეალურად აკეთებენ. ქვემოთ მოცემული ვარიანტები დაგეხმარებათ საწყისი მიმართულების არჩევაში; საბოლოო სია პედაგოგთან შეთანხმებით განისაზღვრება.

საბავშვო ხატვა

შესაძლო შემადგენლობაა ასაკისა და აქტივობის შესაბამისი საღებავები, ფუნჯები, სახატავი ქაღალდი, ფერადი ფანქრები და შემოქმედებითი დავალებების აქსესუარები. შერჩევისას გავითვალისწინებთ პროდუქტის მწარმოებლის ასაკობრივ მითითებებსა და პედაგოგის მოთხოვნებს.

აკადემიური ხატვა

სხვადასხვა სიმაგრის გრაფიტის ფანქრები, ნახშირი, საშლელები, სკეჩბუქები და სახატავი ქაღალდი. აქ მნიშვნელოვანია მოსწავლის დონესა და დავალებებთან შესაბამისობა, იქნება ეს ფორმის შესწავლა, ტონალური ნახატი თუ გამოცდისთვის მომზადება.

აკვარელი

აკვარელის საღებავები, შესაბამისი ფუნჯები, აკვარელის ქაღალდი და პალიტრა. არჩევანისას ყურადღებას მივაქცევთ ქაღალდის მახასიათებლებს, ფუნჯის ზომებსა და საღებავების ფორმატს, რათა ნაკრები კურსის ტექნიკასა და ბიუჯეტს მოერგოს.

აკრილის ფერწერა

აკრილის საღებავები, ფუნჯები, ტილო ან სხვა შესაფერისი ზედაპირი, პალიტრა და საჭიროების მიხედვით მედიუმები. ჯგუფური მუშაობისთვის ცალკე შეგვიძლია განვიხილოთ ხშირად გამოყენებული ფერების უფრო დიდი შეფუთვები.

ზეთის ფერწერა

ზეთის საღებავები, შესაბამისი ფუნჯები, ტილოები, პალიტრა და მასტეხინები. მედიუმებისა და გამხსნელების საჭიროებას პედაგოგთან დავაზუსტებთ, გამოყენებული ტექნიკისა და სამუშაო სივრცის პირობების გათვალისწინებით.

ძერწვა და კერამიკა

შესაბამისი ტიპის თიხა, ძერწვის ინსტრუმენტები და სამუშაოსთვის საჭირო აქსესუარები. პირველ რიგში დავაზუსტებთ, მუშაობთ ჰაერზე შრობად, პოლიმერულ თუ გამოსაწვავ თიხაზე და რა დამუშავებას ითვალისწინებს კურსი. გამოსაწვავი მასალა უნდა შეესაბამებოდეს სტუდიის ღუმელსა და სამუშაო რეჟიმს.

შერეული ტექნიკა

შერეული ტექნიკისთვის შესაფერისი ქაღალდი, ფანქრები, მარკერები, საღებავები და კოლაჟის მასალები. პაკეტში შევიტანთ იმ პროდუქტებს, რომელთა კომბინაციასაც სასწავლო პროგრამა ითვალისწინებს.

პაკეტის სამი დონე

მასალების სია შეგვიძლია განვიხილოთ სამი განსხვავებული მოცულობით, რათა შეადაროთ საჭიროებები და ბიუჯეტი.

Essential — ძირითადი. კურსის დასაწყებად აუცილებელი მასალები. გამოდგება მოკლე პროგრამისთვის ან ჯგუფისთვის, რომელსაც დასაწყისში მხოლოდ ძირითადი პოზიციები სჭირდება.

Standard — გაფართოებული. რეგულარული მუშაობისთვის უფრო მრავალფეროვანი არჩევანი: დამატებითი ფერები, ფუნჯის ზომები, ზედაპირები ან აქსესუარები, კურსის შინაარსის მიხედვით.

Professional — პროფესიული მომზადებისთვის. ტექნიკისა და პედაგოგის მოთხოვნების მიხედვით შერჩეული პროფესიული სერიის მასალები და სპეციალიზებული ინსტრუმენტები.

ეს დონეები შეთავაზების შედგენის ფორმატია. თითოეული პაკეტის ზუსტი შემადგენლობა, რაოდენობა და ფასი ინდივიდუალურად განისაზღვრება.

რეგულარული მომარაგება და სემესტრის დაგეგმვა

თუ თქვენი სტუდია მასალებს სისტემატურად ყიდულობს, შეგვიძლია ერთად შევადგინოთ განმეორებით შესაძენი პროდუქციის სია და განვიხილოთ სავარაუდო საჭიროება ერთი თვის ან სემესტრისთვის.

დასაგეგმად გამოგვადგება ჯგუფების რაოდენობა, გაკვეთილების სიხშირე და წინა პერიოდში გამოყენებული მასალების ჩამონათვალი. ამ მონაცემებით უფრო მარტივი იქნება საწყისი შესყიდვისა და შემდგომი შევსების ერთმანეთისგან გამიჯვნა.

განმეორებითი შეკვეთისას გადავამოწმებთ მიმდინარე ფასებსა და მარაგს. თუ რომელიმე პოზიცია ხელმისაწვდომი აღარ იქნება, შესაძლო ალტერნატივას თქვენთან შეთანხმებით განვიხილავთ, პროდუქტის დანიშნულებისა და მახასიათებლების გათვალისწინებით.

როგორ მივიღოთ ინდივიდუალური შეთავაზება

დასაწყებად გამოგვიგზავნეთ:

• სტუდიის სახელი და ქალაქი;

• სასწავლო მიმართულება და მოსწავლეების ასაკობრივი ჯგუფი;

• მოსწავლეების რაოდენობა და გაკვეთილების სიხშირე;

• სასურველი მასალების სია ან კურსის მოკლე აღწერა;

• სასურველი მიღების თარიღი და საორიენტაციო ბიუჯეტი, თუ უკვე განსაზღვრული გაქვთ;

• საკონტაქტო პირის სახელი და ტელეფონი.

თუ უკვე გაქვთ მასალების სია, პირდაპირ გადმოგვიგზავნეთ. თუ შერჩევის ეტაპზე ხართ, მოგვწერეთ რას ასწავლით და რამდენ მოსწავლეს ამზადებთ. ამ ინფორმაციაზე დაყრდნობით შევათანხმებთ პროდუქციის ჩამონათვალს, გადავამოწმებთ ხელმისაწვდომობას და განვიხილავთ შეკვეთის პირობებს.

თქვენი შემდეგი ჯგუფის მასალების დაგეგმვა დაიწყეთ Lumino-სთან ერთად. გამოგვიგზავნეთ სტუდიის საჭიროებები და მოითხოვეთ ინდივიდუალური შეთავაზება.

დაგვიკავშირდით Lumino-ს სოციალურ გვერდებზე პირადი შეტყობინებით ან დარეკეთ ნომერზე +995 32 2 110 888.